قصيده تحكــــي مأساتي

الســـــــــــلام عليكم

جبت قصيده تحكي مأساتي وقريبه مني حيل

يا قبر سلم لي على اللي نزل فيك
مع النبي الهاشمي والصحابه
يابوي ياللي طيبات مماشيك
اسمع بنتك اليوم تكتب جوابها
بجيرة الرحمن يابوي اهنيك
الواحد اللي ما يخيب الرجابه
يابوي جعل الغيث يمطر ويسقيك
ما عنك خافي كل ما حل طاريك
يهل دمعي يرش قبرك لين يربع جنابه
مثل وبل السحابه
وتبكي الحنون وتنتخي بك وترجيك
من لامها جعله يضيع صوابه
يبكي عليك العود الازرق ويرثيك
المجلس مابعد صك بابه
وتبكي عصاك اللي وزانك تباريك
والدله الصفرا وباقي زهابه
يا بوي ليتك تسمع اللي يشاكيك
. وتشوف عقبك ما جرى له وصابه
على النعش سجت عيوني تراعيك
واشوف قبرك يوم هلوا ترابه
وشفت النصايب فوق قبرك تحجيك
يا شين ذاك اليوم واللي جرى به
اقفوا وانا قلبي من الشوق قافيك
اقنب من الفرقا قنيب الذيابه
يا بوي انا لك برفع الصوت وابكيك
وقت مضى وياك لا واسفابه
لو طالت الايام ما نيب ناسيك
وشلون ابنسى من عطاني شبابه
ويا ديرتي انا عقب احمر العين ما بيك
ديرتن عقب العود وش ينبغابه
لولا رجالٍ فيك ما جيت ناصيك
اللي لهم عز وجلال ومهابه
كلٍ يغيب ورجعته لك تسليك
الا طريح الموت يبطي غيابه
مرحوم ياللي كل الاجواد تغليك
فيك الكرم والجود كلٍ درى به
اربع سنينٍ مالقينا مداويك
عسى لك الجنه من الله وهابه
في جنة منزالها عند واليك
مع النبي الهاشمي والصحابه

((((( الله يرحم والدي وولد اخووي برحمته )))) اللهم اميــــــــــــــــــن

تسلم يدك مهاوي ويعطيك الف الف الف عافية
والله يرحم ابوك وولد اخوك ويسكنهم الجنة اللهم امين
تقبلي مروري :)

يالله حيه شاااكره مروورك يا الغـــــــــــــــــــالي يعطيك الف عااافيه

مششششششششكورهـ فديتك / مهآوي ,,

موضوع ، رآئع ,,

كنت أحلم بي معـك وإنت تحكي وأسمعك
مافي قلبك كان ساعتها سواي
غير ذاك اللي قسم ودك معاي.
تشتكيلي من عنــاده تجرح جروحي زياده,،
ما كفـاك مـا كفـاك حتى في حلمي معنيني معاك
،،